සැපත මුසු දුක රැඳුන
සසර මහා සාගරය
එතෙර වනු මැන පිණිස
සිව් දෙවියනි වරම් දෙන්න
කෙම් බිම් හැඩ කරන
වැඩෙන ගහ කොළ වලට
නිබඳ නව පණ දෙන්න
සිව් දෙවියනි වරම් දෙන්න
නුහුරු මං මාවත්වල
ඉඳුල් යදින කුසපත් වලට
රස මසවුළු අරන් දෙන්න
සිව් දෙවියනි වරම් දෙන්න
සඳ කැන් නැහැවුණු සඳළුතලාවක
පෙම් දම් පුරන හදවත් මන්දිර
සුවපත් කරවන්න
සිව් දෙවියනි වරම් දෙන්න
එක මලක් තනන්ට රුවින් රුවට
දුක් විඳින මව් වරුනි උතුම්
මතු බුදු කරවන්නට
සිව් දෙවියනි වරම් දෙන්න
0 comments:
Post a Comment